11 / 07 / 2018
ABERTO O PRAZO DE MATRÍCULA
PARA O CURSO 2018/2019 NA NOSA
ESCOLA DE BAILE E MÚSICA TRADICIONAL
Ata o vindeiro 20 de setembro encóntrase aberto o prazo de matrícula para o novo curso na Escola de Baile e Música Tradicional da Agrupación Folclórica Colexiata do Sar. A solicitude de matrícula debe realizarse directamente a través da nosa páxina web, cumprimentando un sinxelo formulario.
A nosa escola imparte clases tanto a nenos e mozos de 4 a 14 anos coma a adultos. Nesta páxina encontraredes máis información, así como o formulario para matricularvos. As clases do novo curso comezarán o luns 1 de outubro coas seguintes actividades e outras que estamos a preparar:
— Baile tradicional (De 4 a 14 anos)
— Baile tradicional (Adultos)
— Coro tradicional
— Canto e pandeireta
— Gaita
— Percusión
— Solfexo e linguaxe musical
— Acordeón (Música tradicional)
— Instrumento: clarinete, saxo, frauta
Podedes solicitar máis información chamando aos teléfonos 696 733 368 (Rafa) ou 629 714 972 (Ana).
Tamén podedes seguirnos en Facebook, onde vos manteremos informados de todas as novidades relacionadas coa Agrupación, a súa Escola e as novas actividades que presentaremos proximamente: esperámosvos!
