30 / 09 / 2013
TODO A PUNTO PARA O NOVO CURSO NA
ESCOLA DE BAILE E MÚSICA TRADICIONAL
DA AF COLEXIATA DO SAR
O próximo sábado, 5 de outubro, arrancará oficialmente un novo curso na Escola de Baile e Música Tradicional da Agrupación Folclórica Colexiata do Sar. Recordámosvos que, ata o venres día 4, podedes matricularvos a través deste formulario da nosa páxina web, ou ben chamando aos teléfonos 696 733 368 ou 629 714 972.
A primeira xornada do curso 2013/2014 estará ocupada por un acto de apertura, que se celebrará ás 11:00 horas no local da Agrupación (Praza da Colexiata S/N, Santiago de Compostela), e que servirá para informar a todos os matriculados dos horarios, actividades, profesorado e funcionamento da Escola.
Nesta páxina atoparedes máis información: agardámosvos!