O vindeiro sábado 2 de xullo convidámosvos a participar no festival FOLK NA BEIRA DO SAR, unha xornada de cultura e convivencia no Camiño da Prata pensada para desfrutar da música, a gastronomía, a arte e a literatura. A continuación presentámosvos o programa de actividades, que culminarán cun gran fin de festa a cargo de Carlos Núñez: reservade o día e acompañádenos!

O xoves 26 de maio, con motivo da celebración das Festas da Ascensión 2022 en Santiago de Compostela, a Agrupación Folclórica Colexiata do Sar participará no evento Folk na Rúa, ofrecendo actuacións en distintas prazas da cidade a partir das 18:00 horas.

Por fin, un ano despois do parón obrigado pola pandemia, as festas do Entroido volverán ocupar as rúas de Santiago de Compostela entre o 26 de febreiro e o 5 de marzo, e a Agrupación Folclórica Colexiata de Sar participará nas celebracións organizadas polo Concello.