O sábado 27 de xullo, a partir das 21:30 horas, a Agrupación Folclórica Colexiata do Sar participará na edición 2019 das Xornadas de Folclore Galego, unha exhibición de música e baile tradicional que se celebra en Santiago de Compostela dende hai máis de 30 anos. Ademais, como prólogo ao evento, as agrupacións participantes ofrecerán un desfile polas rúas da cidade.

O vindeiro sábado 15 de xuño, a partir das 20:30 horas, celebraremos a foliada «Sons do Sar» na Praza da Colexiata. Con este evento popular, organizado pola Agrupación Folclórica Colexiata do Sar e a Asociación Cultural «Eu de Sar de Toda a Vida», queremos dinamizar o noso barrio e adiantar a celebración do San Xoán.

O domingo 9 de xuño, a partir das 17:30 horas, a Escola de Baile e Música Tradicional da Agrupación Folclórica Colexiata do Sar celebrará o seu Festival de Fin de Curso 2019 no Teatro Principal de Santiago de Compostela, con entrada gratuíta para todos os que desexen asistir.