O venres 26 de xuño, ás 22:00 horas, celebraremos no Teatro Principal de Santiago de Compostela a gala coa que conmemoraremos o 35 Aniversario da Agrupación Folclórica Colexiata do Sar. Baile, música e canto, máis de 50 persoas sobre o escenario e, como fío condutor do espectáculo, un audiovisual elaborado para a ocasión que percorrerá estes 35 anos de vida.

O Santuario de O Corpiño, situado na parroquia de Losón (Lalín, Pontevedra), celebrará os días 23 e 24 de xuño as súas festas en honor á Virxe, contando de novo coa presenza da Agrupación Folclórica Colexiata do Sar.

O vindeiro xoves 14 de maio, dentro do programa das Festas da Ascensión de Santiago de Compostela, celebrarase unha nova edición de «Folclore nas Prazas», na que participarán as agrupacións Colexiata do Sar, Ultreia, Brincadeira e Cantigas e Agarimos.