A Agrupación Folclórica Colexiata do Sar ten inscritas varias propostas na Rede Cultural da Deputación da Coruña, entre as que destaca unha nova sección inaugurada hai dous anos: o Orfeón Tradicional. Ata o día 10 de marzo, os concellos ou asociacións que desexen contratar unha destas propostas poden contactar connosco a través do email colexiata@colexiata.com.

Ata o vindeiro venres 30 de setembro encóntrase aberto o prazo de matrícula para o novo curso na Escola de Baile e Música Tradicional da Agrupación Folclórica Colexiata do Sar. A solicitude de matrícula debe realizarse directamente a través da nosa páxina web, cumprimentando un sinxelo formulario.

O sábado 16 de xullo, a partir das 21:30 horas, a Agrupación Folclórica Colexiata do Sar participará na edición 2016 das Xornadas de Folclore Galego, unha exhibición de música e baile tradicional que se celebra en Santiago de Compostela dende hai máis de 30 anos.