28 / 05 / 2019
ACTUACIÓNS DA AF COLEXIATA DO SAR
NAS FESTAS DA ASCENSIÓN 2019
DE SANTIAGO DE COMPOSTELA
O xoves 30 de maio, con motivo da celebración das Festas da Ascensión 2019, a Agrupación Folclórica Colexiata do Sar participará no evento Folk na Rúa, ofrecendo actuacións en distintas prazas de Santiago de Compostela.
23 / 12 / 2018
A AF COLEXIATA DO SAR PARTICIPARÁ
NO CICLO «AS RAÍCES NA PEDRA»
O ciclo «As Raíces na Pedra» comezou no ano 2017, froito da colaboración entre o Concello de Santiago e catro das agrupacións de baile e música tradicional da cidade, co obxectivo de difundir a nosa cultura tradicional dun xeito lúdico e participativo. Para este ano 2018 enmárcase dentro do programa de Nadal do Concello, e consta dunha parte didáctica e dunha actuación a cargo de cada un dos grupos.
04 / 12 / 2018
A AF COLEXIATA DO SAR PRESENTA
O ESPECTÁCULO «CANTARES ACORDADOS»
NO AUDITORIO DE GALICIA
O domingo 9 de decembro, ás 19:00 horas, a Agrupación Folclórica Colexiata do Sar, coa colaboración da Banda de Música Cultural de Teo, presentará o espectáculo «Cantares Acordados» no Auditorio de Galicia de Santiago de Compostela.
