O vindeiro venres 2 de febreiro, a partir das 21:00 horas, celebrarase o Iº Cantos de Taberna do Barrio de Sar, organizado pola Comisión de Festas de Sar 2018 e a Agrupación Folclórica Colexiata do Sar. A continuación atoparedes toda a información: unídevos e participade!

O vindeiro sábado 3 de febreiro, ás 13:30 horas, o Orfeón Tradicional da Agrupación Folclórica Colexiata do Sar actuará na Praza da Colexiata de Santiago de Compostela, acompañado polos nenos e nenas dos Grupos de Baile A e B da nosa Escola de Danza e Música Tradicional.

A Agrupación Folclórica Colexiata do Sar, en colaboración coa Asociación Cultural «Eu de Sar de toda a vida», preparará unha comparsa coa que participará, o vindeiro 13 de febreiro de 2018, no desfile de entroido organizado polo Concello de Santiago de Compostela.