Ata o vindeiro 30 de setembro podedes matricularvos nas actividades do novo curso da nosa Escola de Baile e Música Tradicional. A solicitude de matrícula debe realizarse directamente a través da nosa páxina web, cumprimentando un sinxelo formulario.

O sábado 1 e o domingo 2 de xullo convidámosvos a participar no festival FOLK NA BEIRA DO SAR 2023, unha nova edición destas xornadas de cultura e convivencia no Camiño da Prata. A continuación presentámosvos o programa de actividades, que culminarán cun gran fin de festa a cargo de Carlos Núñez.

O  xoves 18 de maio, con motivo da celebración das Festas da Ascensión 2023 en Santiago de Compostela, a Agrupación Folclórica Colexiata do Sar participará no concerto «Música da Nosa», coa Banda Municipal de Música de Santiago de Compostela.