Ata o vindeiro 30 de setembro podedes matricularvos nas actividades do novo curso da nosa Escola de Baile e Música Tradicional. A solicitude de matrícula debe realizarse directamente a través da nosa páxina web, cumprimentando un sinxelo formulario.

O sábado 19 de xullo, a partir das 21:00 horas, a Agrupación Folclórica Colexiata do Sar participará na edición 2025 das Xornadas de Folclore Galego, unha exhibición de música e baile tradicional que se celebra en Santiago de Compostela dende hai máis de 30 anos.

Os vindeiros 29 e 31 de maio, con motivo da celebración das Festas da Ascensión 2025 en Santiago de Compostela, a Agrupación Folclórica Colexiata do Sar e a súa Escola de Danza e Música Tradicional actuarán en distintas prazas do centro histórico da cidade.